هما كلمتين

هما كلمتين كلمة وكلمة مش مهم مين لكن اسمع بذمة دمنا ساح وحقنا راح ناس مهضومة وناس مظلومة وحكومة نايمة ببال مرتاح بامر وزير تطلع تقارير فباركي ياحكومة ما احنا الطراطير يناير خمسة وعشرين طوفان مظلوم فاق من النوم يطلب حقه بعد سنين سنين وعقود ذل وقهر فقر وجهل ولسان معقود معقود بقانون طاريء وفسادظلموا عباد باعوا بلاد وحملوها ديون ديون في رقبتي اديلك وقتي ولا اعرف انام ابا دلوقتي والحق اهو قام قام ثوار شباب احرار من كل دار علي الخير ناويين والنيه بصوت كان مكبوت صرخوا وقالوا الطاغي يغور والظلم يموت نظام ينشال ورجال اعمال حراميه اتقال اتغدوا بلحمي واتعشوا سكوت قالوا عيال طايش مهزوز ولما نعوز ندوسهم في الحال حدفوا قنابل مسيلة وغاز وامن بخوذة ووش ازاز درع يمين وعصايا شمال جابوا قوات قتلوا وجرحوا شباب وبنات من كل حي رصاص مطاطي ورصاص حي لا يوم هنطاطي والنصر اهو جه اعلام مشلول باعوا المقتول كلام اوهام ولا في الاحلام المرئي كفيف والراديو اصم مليان تزييف ولا فيش دم ساعة ايران وساعة اخوان والعملا هناك في كل مكان زجبات كنتاكي والمعزة تكاكي وباضت جبنة بيضة قريش زي ماخالد وبعده بلال وباستهبال كسروا دماغهم بقرش حشيش الحاج صابر والخالة سعاد بقدرة قادر بقوا من الموساد دمك ياشهيد اليوم هايجف الشمعة تقيد وجروحنا تخف الشعب اتهان من ده ومن ده وعم سليمان يقولك اجندة احزن عليه ولا احزن علي الكبير اللي قاعد فوق وحدفنا في بير انا حزني وطني وهمي وطني مش حزب وطني اللي سارق وطني ارحل بخوفنا وخد معاك جمال ولا اكننا شوفنا خيول او جمال انا عاوزه يغور والكل كذلك بالحزب بتاعه ونظامه الهالك او اقولك خليك هانحط عليك في ميدان تحرير ونحجز مالك الشعب خلاص طلب الخلاص فارقنا وارحل وانفد من سؤالك بلادي مصر حرة ماتقولش ارحل ليه هي حرة وحرة بلادي هاتحافظ علي الامين مهما فقره كان ويسقط اللي خان ويطرد الاعادي ..