سمكة محشوة بالطريقة المغربية

**khawla1** الأحد فبراير 15, 2009 12:52 pm

السلام عليكم

هده من بين احسن و أشهى أكلات السمك بالمغرب

المقادير

سمكة كبيرة من اي نوع ومن الاحسن la dorade
250غ من الكروفيت
250غ من سمك التونة مقطع قطع صغيرة او القرص ...المهم سمك ابيض
150غ من الشعرية الصينية مسلوقة مسبقا
الحامض المصير الحامض العادي وبضع بات لوز زيت بلدية
الشرمولة ديال الحوت ديال الفران او طاجين وهي تتكون من القزبور والمعدنوس مقطعين صغار والفلفلة الحارة مقطعة طريفات صغار و4ملاعق خل كحول احمر 3ضراس ثوم مدقوقين شوية ديال البصلة المجففة ملعقة كامون 2ملاعق زيت بلدية ملح
شرمولة ديال الكروفيت وهي زنجبيل اخضر محكوك ملح قزبور وقليل من الصويا وزيت السمسم اي الزنجلان

الطريقة

بعد ما ننظف السمكة الكبيرة نتركها تجف من الماء في ذلك الحين نقوم بعمل الشرمولة لقطع التونة اي شرمولة طاجين ديال الحوت بعد خلطها جيدا من الافضل استعمال المهراز باش تطلق مزيان المهم نعملها للسمك التونة ونخليوها حتى تدخل مزيان في التونة وفي هاد الوقت غننديرو شرمولة الكروفيت ونديرها للفرميسيل وللكروفيت ومن بعد غنجيبو طاوة ديال الفران ونغلفوها بورق الاليمينيوم وندهنوها بشوية ديال الزيت البلدية طبعا ونحطو السمكة الكبيرة فيها ونشرع بشرملتها بشرمولة ديال سمك التونة ونفتحو القلب ديالها ونعمروها بسمك التونة والكروفيت بالشعرية الصينية وشوية ديال الحامض المصير ونزينوها من فوق بالحامض والزيتون وتدخل للفرن حتى تشوى جيدا ونخرجها ونزينها بحبات اللوز
ملاحظتان مهمتان

مهمة : 1-انا درت الكروفيت والتون مطايبينش حيت كنت زربانة ولكن كيكيجو بحال ايلا مشويين ولكن لذيذة جدا اتمنى ان تجربوها

2- الشرمولة ديال السمك المقلي لا نستعمل فيها البصل نهائيا بل الثوم والسمك ديال الطاجين ممكن نستعملوا فيهوم الثوم البصل